Bilkent Universiteti, Türkiyənin paytaxtı Ankarada yerləşir. İhsan Doğramacı tərəfindən, İhsan Doğramacı Eğitim Vakfı, İhsan Doğramacı Sağlık Vakfı və İhsan Doğramacı Bilim ve Araştırma Vakfı qərarları ilə 20 Oktyabr 1984-cü ildə, Türkiyənin ilk özəl universiteti olaraq qurulmuşdur. Bilkent Universiteti, quruluş məqsədini “təhsil keyfiyyəti, elmi araşdırma və yayınları ilə mədəniyyət və sənət fəaliyyətləri baxımından dünyanın öndə gələn universitetləri arasında yer almaq” olaraq açıqlamışdır. Bu məqsədlə universitetə “Bilim Kenti”nin qısaldılmışı olan Bilkent adı verilmişdir.
Universitetin kampusu, Hacettepe Universitetinin Beytepe kampusu ilə Orta Doğu Teknik Universitetinin Ankaradakı kampusu arasında yerləşir. Ankara-Eskişehir yolunun 12-ci km-də yerləşən universitet kampusunda Merkez, Doğu və Orta olmaq üzrə 3 kampus vardır.
Universitet, THES – QS Dünya Universitetləri Sıralaması araşdırmasına görə 2009-cu ildə dünyanın ən yaxşı 360-cı, Avropanın ən yaxşı 163-cu universiteti seçilmişdir. Times Higher Education dünya universitetləri 2010 sıralamasında isə dünyanın ən yaxşı 112-ci, Avropanın ən yaxşı 32-ci, Türkiyənin ən yaxşı universiteti olaraq yer almışdır.
Bilkent Universitetində təhsil dili ingilis dilidir.
